ហេតុផល ៥យ៉ាង ដែលបញ្ជាក់ថាអ្នកមានជំងឺទឹកនោមផ្អែម

មិនមែនរាល់ករណីនៃអ្នកមានរោគសញ្ញាជំងឺទឹកនោមផ្អែមប្រភេទ២ បានបង្ហាញឲ្យយើងឃើញច្បាស់នោះទេ ដូចជា ការស្រែទឹក ការចូលបន្ទាប់ទឹកញឹកញាប់ និងការស្ពឹកដៃ-ជើងជាដើម។ នៅខាងក្រោមនោះជាសញ្ញាដែលបញ្ជាក់ថាអ្នកមានជំងឺទឹកនោមផ្អែម ៖

ការផ្លាស់ប្តូរស្បែក

ស្បែកខ្មៅនៅត្រង់កញ្ចឹងក, កែងដៃ ឬ គន្លាក់ម្រាមដៃ គឺជាសញ្ញាព្រមានដំបូងនៃកម្រិតជាតិស្ករក្នុងឈាមខ្ពស់ និងមានរោគសញ្ញាជំងឺទឹកនោមផ្អែម។ ប្រសិនបើអ្នកសង្ស័យ អ្នកអាចទៅធ្វើតេស្តសម្រាប់ជំងឺទឹកនោមផ្អែម។ នៅក្នុងករណីដែលអ្នកមានជំងឺទឹកនោមផ្អែម អ្នកគួរតែសម្រកទម្ងន់យ៉ាងតិច១០ផោន ព្រោះវាអាចជួយបន្ថយកម្រិតជាតិស្ករក្នុងឈាម និងជួយឱ្យស្ថានភាពប្រសើរឡើងវិញបាន។

ការស្រវាំងភ្នែក

នៅពេលភ្នែករបស់អ្នកប្រែប្រូលពីល្អ ទៅអាក្រក់ ឬអ្នកចាប់ផ្តើមព្រិល គឺជារោគសញ្ញានៃជំងឺទឹកនោមផ្អែម ដែលបញ្ជាក់ថាកម្រិតជាតិស្ករនៅក្នុងឈាមកំពុងឡើងខ្ពស់ ព្រោះជំងឺទឹកនោមផ្អែម បណ្តាលឱ្យកម្រិតសារធាតុរាវនៅក្នុងរាងកាយផ្លាស់ប្តូរ ជាពិសេសនៅជុំវិញភ្នែក ដែលជាហេតុធ្វើឲ្យអ្នកមើលមិនច្បាស។

អ្នករមាស់ស្បែកញឹកញាប់

តើអ្នកគិតថា វាជារឿងល្អទេក្នុងការនិយាយពីស្បែករមាស់ទៅកាន់គ្រូពេទ្យ? ជំងឺទឹកនោមផ្អែម ធ្វើឲ្យថយចុះឈាម ដែលអាចនាំឱ្យស្បែកមានភាពស្ងួតនិងរមាស់។

ត្រចៀកស្តាប់មិនសូវលឺ

ប្រសិនបើអ្នកសង្កេតឃើញថា ខ្លួនអ្នកស្តាប់មិនសូវលឺសំលេងពេលកំពុងមើលទូរទស្សន៍ ទោះបីតម្លើងសំឡេង អ្នកគួរតែប្រាប់គ្រូពេទ្យដើម្បីធ្វើតេស្តជាតិស្ករក្នុងឈាម។ ការសិក្សាមួយដោយវិទ្យាស្ថានសុខភាពជាតិបានបង្ហាញថា ថ្លង់អាចជារោគសញ្ញានៃជំងឺទឹកនោមផ្អែម ព្រោះអ្នកមានជាតិស្ករក្នុងឈាមខ្ពស់ជាងធម្មតា។

គេងស្រមុក

នៅពេលដែលអ្នកគេងស្រមុកខ្លាំងៗ និងងងុយគេងពេលថ្ងៃ អ្នកគួរតែទៅពិនិត្យកម្រិតជាស្ករក្នុងឈាម ព្រោះថាអ្នកមានជំងឺ តែងតែដកដង្ហើមមិនប្រក្រតីអំឡុងពេលកំពុងគង ដែលជាហេតុធ្វើឲ្យមានការកើនឡើងនូវកម្រិតជាតិស្ករនៅក្នុងឈាម។

ប្រែសម្រួលដោយ ៖ លោក ណយ​ សីហា

ប្រភព​ ៖ www.prevention.com