វិធីសាស្រ្ត ៥​យ៉ាង ដើម្បីកាត់បន្ថយប្រតិកម្មអាឡែហ្ស៊ីអាហារ

បើយោងតាមមជ្ឈមណ្ឌលត្រួតពិនិត្យ និងបង្ការជំងឺនៅចន្លោះឆ្នាំ 1997 ដល់ឆ្នាំ 2011 បានបង្ហាញថា ចំនួនទារក ដែលកើតមានប្រតិកម្មអាឡែស៊ីអាហារ បានកើនឡើងរហូតដល់៥០%។ ពេលខ្លះមាតា​ តែងតែមានការព្រួយបារម្ភចំពោះទារក ដោយសារតែការកើនឡើងនៃអាឡែហ្ស៊ីអាហារ។ នៅខាងក្រោមនេះ គឺជាគន្លឹះមួយចំនួន ដែលអាចជួយកាត់បន្ថយហានិភ័យនៃប្រតិកម្មអាឡែស៊ីអាហារចំពោះទារក ៖

កុំផ្តល់អាហាររឹង មុនពេលទារកមានអាយុ ១៧ សប្តាហ៍ ៖ បើយោទៅតាមការសិក្សាស្រាវជ្រាវ ទារកដែលបានញ៉ាំអាហាររឹង មុនអាយុ ១៧ សប្តាហ៍ មានហានិភ័យខ្ពស់នៅក្នុងការវិវត្តទៅជាអាឡែស៊ីអាហារ។

បន្តការបំបៅដោះកូន ៖ សូមកុំបញ្ឈប់ការបំបៅដោះកូន នៅពេលដែលអ្នកចាប់ផ្តើមបញ្ចុកអាហារដល់ទារក ព្រោះថាការបំបៅដោះកូន មានប្រសិទ្ធិភាពការពារប្រឆាំងនឹងប្រតិកម្មអាលែហ្សីនៅពេលដែលផ្តល់អាហារដល់ទារកញុំ។

កុំផ្តល់អាហារកញ្ចប់ច្រើនពេក ៖ ការសិក្សាស្រាវជ្រាវបានរកឃើញថាទារកដែលបានញ៉ាំផ្លែឈើ,​ បន្លែ និងអាហារកែច្នៃ អាចមានការវិវត្តទៅជាប្រតិកម្មអាលែហ្សី នៅពេលដែលពួកគេមានអាយុតិចជាង 2 ឆ្នាំ។

ណែនាំអាហារថ្មីយ៉ាងហោចណាស់ចំនួនបួនថ្ងៃ ៖ សូមប្រុងប្រយ័ត្នចំពោះរោគសញ្ញាមួយចំនួនដូចជា ការរោល ឬកន្ទួល, បន្ទាលត្រអាក, ហើម, រមាស់, ក្អួត ឬពិបាកដកដង្ហើម។ នោះបានបញ្ជាក់ថា កូនរបស់អ្នក កំពុងមានហានិភ័យខ្ពស់នៃប្រតិកម្មអាលែហ្សីអាហារ។

សូមពិនិត្យមើលគ្រឿងផ្សំដូចជាប្រេងសណ្តែក ៖ ប្រសិនបើគ្រួសារអ្នក មានប្រតិកម្មអាឡែស៊ីសណ្តែកដី អ្នកគូរតែប្រុងប្រយ័ត្នចំពោះកូនរបស់អ្នកកុំឲ្យបរិភោគ។

ប្រែសម្រួលដោយ ៖ លោក ណយ​ សីហា

ប្រភព​ ៖ www.fitpregnancy.com