អត្ថប្រយោជន៍ស្លឹកម្រុំសម្រាប់ជំងឺទឹកនោមផ្អែម

មនុស្សជាច្រើនបានប្រើប្រាស់ ស្លឹកម្រុំជារៀងរាល់ថ្ងៃសម្រាប់ចំអិនម្ហូបអាហារ ប៉ុន្តែប្រហែលជាអ្នកមិនបានស្វែងយល់ថាតើ ស្លឹកម្រុំមានអត្ថប្រយោជន៍កម្រិតណា? ស្លឹកម្រុំ មានផ្ទុកជាមួយសារធាតុរ៉ែ និងប្រូតេអ៊ីន ដែលជាអាហារជំនូយដល់សុខភាព។ ស្លឹកម្រុំមានអត្ថប្រយោជន៍ជាច្រើនសម្រាប់សុខភាពដូចខាងក្រោម ៖

១. បង្កើតឆ្អឹងរឹងមាំ

ស្លឹកម្រុំ មានផ្ទុកនៅជាតិកាល់ស្យូម, ជាតិដែក និងវីតាមីនដទៃទៀត ដើម្បីជួយការពង្រឹងឆ្អឹង។

២. បន្សុទ្ធឈាម

ស្លឹកម្រុំ អាចជួយក្នុងការបន្សុទ្ធឈាម ព្រមទាំងមានប្រូតេអ៊ីន ដែលមានតួនាទីជាភ្នាក់ងារ ប្រឆាំង និងមេរោគ។

៣. បន្ថយកម្រិតជាតិស្ករក្នុងឈាម

ស្លឹកម្រុំ បានធ្វើការកាត់បន្ថយកម្រិតជាតិស្ករក្នុងឈាមនៅក្នុងរាងកាយ និងជួយគ្រប់គ្រងជំងឺទឹកនោមផ្អែម ព្រមទាំងជួយបង្កើនមុខងាររបស់ក្រពះ សម្រាប់ជួយបន្ថយកម្រិតជាតិស្ករ ដើម្បីឱ្យអ្នករស់នៅប្រកបដោយសុខភាពល្អ។

៤.​ ផ្លូវដង្ហើម

នៅពេលដែលអ្នកមានបញ្ហាឈឺបំពង់ក ឬក្អក អ្នកគ្រាន់តែពិសារទឹកស្លឹកម្រុំ១កែវ អាចជួយព្យាបាលបាន។ ម៉្យាងវិញទៀត វាដើរតួនាទី ជាឱសថធម្មជាតិ ដែលមានប្រសិទ្ធិភាព សម្រាប់ប្រយុទ្ធប្រឆាំងនឹងជំងឺសួតដូចជាជំងឺហឺតរលាកទងសួត និងជំងឺរបេង។

៥. សម្រាប់ស្ត្រីមានផ្ទៃពោះ

ទឹកស្លឹកម្រុំ អាចជួយឲ្យស្រ្តីមានភាពងាយស្រួលនៅក្នុងការឆ្លងទន្លេ ព្រមទាំងមាតាមានទឺកដោះច្រើន។

៦. ការពារប្រឆាំងនឹងការឆ្លងមេរោគ

ស្លឹកនិងផ្ការបស់ដើមម្រុំ អាចជួយបង្ការការឆ្លងជំងឺ ដែលទាក់ទងទៅនឹងបំពង់ក និងស្បែក។ វាមានកម្រិតខ្ពស់នៃវីតាមីន C ដែលជួយបង្កើនសកម្មភាពនៃប្រព័ន្ធភាពស៊ាំ និងអាចជួយក្នុងការលុបបំបាត់រ៉ាឌីកាល់ពីរាងកាយ។

៧. ជួយក្នុងការរំលាយអាហារ

ស្លឹកម្រុំ មានផ្ទុកវីតាមីនB សម្រាប់ជំនួយដល់ការការរំលាយអាហារ។ វីតាមីនទាំងនេះ ជួយគ្រប់គ្រងដំណើរការរំលាយអាហារ ដោយជួយត្រួតពិនិត្យកាបូអ៊ីដ្រាត និងខ្លាញ់ចូលទៅក្នុងរាងកាយរបស់អ្នក។

ប្រែសម្រួលដោយ ៖ លោក ណយ​ សីហា

ប្រភព​ ៖ www.thehealthsite.com