ស៊ុតជាអាហារដ៏ល្អនិងជាប្រភពធំនៃប្រូតេអ៊ីន។ សមាគមន៍ជំងឺទឹកនោមផ្អែមអាមេរិកបានចាត់ទុកស៊ុតជាជម្រើសដ៏អស្ចារ្យបំផុតសម្រាប់អ្នកដែលមានជំងឺទឹកនោមផ្អែម។ ស៊ុតធំមួយមានផ្ទុកកាបូអ៊ីដ្រាតប្រហែលកន្លះក្រាម ដូច្នេះវាត្រូវបានគេសន្មតថាវានឹងមិនបង្កើនកម្រិតជាតិស្ករក្នុងឈាមទេ។ ស៊ុតមានកូឡេស្តេរ៉ុលខ្ពស់​ ស៊ុតធំមួយមានកូឡេស្តេរ៉ុលជិត 200 មីលីក្រាម ប៉ុន្តែ តើវាមានផលប៉ះពាល់អវិជ្ជមានដល់រាងកាយដែលឬទេ។

ប្រសិនបើអ្នកមានជំងឺទឹកនោមផ្អែម តាមការត្រួតពិនិត្យកូឡេស្តេរ៉ុលរបស់អ្នកគឺសំខាន់ណាស់ ដោយសារតែជំងឺទឹកនោមផ្អែមគឺជាកត្តាហានិភ័យមួយសម្រាប់ជំងឺសរសៃឈាមបេះដូង។ កម្រិតខ្ពស់នៃកូឡេស្តេរ៉ុលក្នុងឈាម អាចបង្កើនហានិភ័យនៃជំងឺសរសៃឈាមបេះដូង។ ដូច្នេះវាជាការសំខាន់ណាស់សម្រាប់នរណាម្នាក់មានជំងឺទឹកនោមផ្អែមដើម្បីជាការយល់ដឹងនិងការកាត់បន្ថយហានិភ័យជំងឺបេះដូងដទៃទៀត។

អត្ថប្រយោជន៍នៃស៊ុត

នៅក្នុងស៊ុតទាំងមូលមានផ្ទុកប្រូតេអ៊ីនប្រមាណ 7 ក្រាម ។ ស៊ុតគឺជាប្រភពនៃសារធាតុប៉ូតាស្យូមដែលគាំទ្រសរសៃប្រសាទនិងសុខភាពសាច់ដុំ។ ប៉ូតាស្យូមជួយឱ្យកម្រិតជាតិសូដ្យូម នៅក្នុងរាងកាយមានតុល្យភាពផងដែរ ហើយវាអាចធ្វើអោយសុខភាពសរសៃឈាមបេះដូងរបស់អ្នកប្រសើរឡើង។ ស៊ុតមានសារធាតុបំប៉នជាច្រើនដូចជាសារធាតុ lutein ដែលការពារអ្នកប្រឆាំងនឹងជំងឺ និងកូលីនដែល ផ្តល់ភាពប្រសើរឡើងដល់សុខភាពខួរក្បាល។ ស៊ុតពណ៌លឿងមានផ្ទុក biotin សម្រាប់អោយសក់ ស្បែក និងក្រចកមានសុខភាពល្អ ព្រមទាំងជួយផលិតអាំងស៊ុយលីន។ ស៊ុតមាន់ មានអូមេហ្គា ៣(Omega-3)ខ្ពស់  ដែលជាជាតិខ្លាញ់ដែលមានប្រយោជន៍សម្រាប់អ្នកជំងឺទឹកនោមផ្អែម។

ប្រែសម្រួលដោយ ៖ លោក នឿក វិបុល

ប្រភព៖ www.healthline.com