តើខ្ញុំអាចផ្តល់ថ្នាំក្អកឱ្យកូនបានទេ?

គ្រូពេទ្យភាគច្រើន មិនអនុញ្ញាត្តិឲ្យមាតាផ្តល់ថ្នាំទាំងនេះដល់កុមារវ័យក្មេងទេ។ ដោយយោងទៅតាម American Academy of Pediatrics បានព្រមានដល់ឪពុកម្តាយមិនឱ្យប្រើផលិតផលទាំងនេះសម្រាប់កុមារដែលមានអាយុតិចជាង ៤  ប៉ុន្តែសម្រាប់កុមារដែលមានអាយុចាប់ ៤ ទៅ ៦ឆ្នាំ អាចប្រើប្រាស់ប្រើថ្នាំបាន ប្រសិនបើគ្រូពេទ្យផ្តល់អនុសាសន៍ឲ្យប្រើ។

នៅពេលកូនរបស់អ្នកមានអាយុ ៦ ឆ្នាំ, អ្នកអាចផ្តល់ថ្នាំក្អកទៅឱ្យគាត់តាមវេជ្ជបញ្ជា និងត្រូវប្រាកដថាវា ជាការសមរម្យសម្រាប់អាយុរបស់គាត់ និងការវាស់ស្ទង់កម្រិតថ្នាំឲ្យបានត្រឹមត្រូវ។ យើងមិនត្រូវផ្តល់ឱ្យកូនប្រើថ្នាំប្រភេទក្អក ឬថ្នាំផ្តាសាយក្នុងពេលតែមួយបានទេ។

តើមានកត្តាអ្វីខ្លះ  ដែលអាចបង្កឱ្យកូនរបស់អ្នកក្អក?

កត្តាខាងក្រោមនេះ គឺជាមូលហេតុដែលបង្កឲ្យកើតជំងឺក្អក:

ជំងឺផ្តាសាយ

បើសិនជាកូនរបស់អ្នកមានជំងឺផ្តាសាយ, គាត់អាចក្អក និងកណ្តាស់ ដែលត្រូវជាមួយនឹងការហៀរសំបោរ ទឹកភ្នែក បរិភោគអាហារបានតិច និងអាចជាជំងឺគ្រុនទាប។

មេរោគក្នុងផ្លូវដង្ហើម

មេរោគក្នុងផ្លូវដង្ហើម (RSV) គឺមានការវាយប្រហារធំចំពោះទារក និងកូនក្មេង គ្រប់អាយុទាំងអស់។ រោគសញ្ញានៃមេរោគ RSV ស្រដៀងគ្នាទៅនឹងរោគសញ្ញានៃជំងឺផ្តា ប៉ុន្តែជាមួយនឹងការក្អកកាន់តែអាក្រក់ នៅក្នុងការដកដង្ហើម។

មេរោគ RSV ជាធម្មតាវាធ្វើការវាយប្រហារនៅចន្លោះខែវិច្ឆិកា និងពាក់កណ្តាលខែមីនា។ ប៉ុន្តែវាអាចនាំឱ្យមានជំងឺផ្លូវដង្ហើមធ្ងន់ធ្ងរច្រើនដូចជាជំងឺរលាកទងសួតតូច (ការរលាកនៃបំពង់ដង្ហើមតូច) និងជំងឺរលាកសួត (ការរលាកសួត) ជាពិសេសចំពោះទារកអាយុតិចជាងមួយឆ្នាំ។

ប្រតិកម្មអាលែហ្សី ជំងឺហឺត និងរលាក

អាឡែស៊ីអាចបណ្តាលឱ្យការតឹងច្រមុះ ឬការហៀរសំបោរ។ កុមារដែលមានជំងឺហឺតមានទំនោរទៅក្អកជាញឹកញាប់ផងដែរជាពិសេសនៅពេលយប់។ ប្រសិនបើកូនរបស់អ្នកមានជម្ងឺហឺត ដែលគាត់អាចមានការកកស្ទះទ្រូង, ពិបាកដកដង្ហើម, និងពិបាកដកដង្ហើម។ ការប៉ះពាល់ទៅនឹងជំងឺផ្តាសាយអាចបង្កឱ្យក្អកនៅក្នុងកុមារដែលមានជំងឺហឺត។

ជំងឺរលាកសួត ឬជំងឺរលាកទងសួត

ករណីជាច្រើននៃជំងឺរលាកសួត និងការឆ្លងមេរោគនៅក្នុងសួត ចាប់ផ្តើមចេញជាជំងឺផ្តាសាយ។ ប្រសិនបើកូនរបស់អ្នកមានជំងឺផ្តាសាយ ដែលមានសភាពមូយចំនួនដូចជា ក្អកជាប់រហូត​ ពិបាកដកដង្ហើម គ្រុនក្តៅ ឈឺរាងកាយ និងញាក់ សូមហៅទូរស័ព្ទទៅវេជ្ជបណ្ឌិតរបស់លោកសម្រាប់ការណាត់ជួបមួយ។

ប្រែសម្រួលដោយ ៖ លោក ណយ​ សីហា

ប្រភព​ ៖ www.babycenter.com