តើមាតាគួរធ្វើដូចម្តេច ដើម្បីព្យាបាលកូនពេលមានជំងឺគ្រុនក្តៅខ្លាំង?

នៅពេលកុមារមារជំងឺគ្រុនក្តៅ ដែលមានសីតុណ្ហភាពជាង 38 ° C អ្នកត្រូវទៅជួបគ្រូពេទ្យ  ព្រោះមិនមែនជារឿងធម្មតាទេ។ កុមារមានសីតុណ្ហភាពជាធម្មតា ប្រមាណជា ៣៦,៥° C ទៅ ៣៧° C អាស្រ័យអាយុ, ការសកម្មភាពដែលគេធ្វើជារៀងរាល់ថ្ងៃតែប៉ុន្នោះ។ ប្រសិនបើអ្នកប៉ះមុខកូនរបស់អ្នក ហើយមានអារម្មណ៍ថាក្តៅ នោះពួកគេអាចប្រឈមមុខជាមួយជំងឺគ្រុនក្តៅហើយ ឬអ្នកអាចពិនិត្យមើលសីតុណ្ហភាពកូនរបស់អ្នកជាមួយទែរម៉ូម៉ែត្របាន។

នៅពេលកុមារមានកំដៅឡើងខ្លាំង អ្នកត្រូវតែប្រុងប្រយ័ត្នជាខ្លាំង ឬត្រូវបញ្ជូនកូនទៅមន្ទីពេទ្យជាបន្ទាន់។ រោគសញ្ញាធ្ងន់ធ្ងរទាំងនេះអាចរួមមាន ៖

• ល្ហិតល្ហៃដៃ ជើង ឬមិនឆ្លើយតប និងមិននិយាយទាំងអស់
• បាត់បង់ស្មារតី
• មានការលំបាកក្នុងការដកដង្ហើម
• ក្អួត
• មានការឈឺក្បាល

តើមាតាគួរធ្វើដូចម្តេច ដើម្បីព្យាបាលកូនពេលមានជំងឺគ្រុនក្តៅខ្លាំង?

• ប៉ារ៉ាសេតាម៉ុល អាចផ្តល់ដល់កុមារជាងមួយខែបាន សម្រាប់ការឈឺចាប់ និងរោគសញ្ញានៃជំងឺគ្រុនក្តៅ។ សូមប្រាកដពី អាយុ និងទម្ងន់ របស់កូនអ្នក ព្រោះវាអាចនឹងមានគ្រោះថ្នាក់។ សូមអាននិងធ្វើតាមការណែនាំនៅលើស្លាកដោយប្រុងប្រយ័ត្ន។
• អ៊ីប៉ូប្រូហ្វេន អាច ផ្តល់ឱ្យសម្រាប់កុមារ បីខែ ហើយមានទម្ងន់ច្រើនជាង ៥​ kg សម្រាប់បំបាត់ការឈឺចាប់និងរោគសញ្ញានៃជំងឺគ្រុនក្តៅ ។ សូមប្រាកដពី អាយុ និងទម្ងន់ របស់កូនអ្នក ព្រោះវាអាចនឹងមានគ្រោះថ្នាក់។
• អ្នកមិនត្រូវផ្តល់ថ្នាំអាស្ពីរីនដល់កុមារអាយុក្រោម 16 ឆ្នាំបានទេ លុះត្រាតែមានវេជ្ជបញ្ជាជាពីវេជ្ជបណ្ឌិត។

យោបល់ខាងក្រោមនេះ អាចជួយឱ្យកូនរបស់អ្នកមានអារម្មណ៍កាន់តែប្រសើរឡើង:

• សូមផ្តល់ទឹកដល់កូនរបស់អ្នកឲ្យបានញឹកញាប់ ដើម្បីរក្សាកម្រិតសារធាតុរាវនៅក្នុងខ្លួនបាន
• រក្សាឱ្យបន្ទប់មានផាសុខភាព 

ប្រែសម្រួលដោយ ៖ លោក ណយ​ សីហា

ប្រភព​ ៖ www.healthdirect.gov.au