ដំណោះស្រាយសម្រាប់ព្យាបាលជំងឺគ្រុនក្តៅ និងផ្តាសាយចំពោះកុមារ

រដូវរងារ គឺជារយៈពេលមួយដែលមាតាគួរតែមានការប្រុងប្រយ័ត្នខ្ពស់ចំពោះកុមារ ព្រោះវាបង្ករផលប៉ះពាល់ខ្លាំងចំពោះទារកដូចជាផ្តាសាយ, ឈឺក, ក្តៅខ្លួន, និងជំងឺផ្តាសាយ។ នៅរដូវនេះ មេរោគនៃជំងឺផ្តាសាយ ងាយនឹងធ្វើការចំលងបំផុតពីមនស្សម្នាក់ ទៅមនុស្សម្នាក់ទៀត ជាពិសេសកុមារតូចៗ ប្រសិនបើអ្នកមិនបានមើលថែកូនរបស់អ្នកដោយមិនប្រុងប្រយ័ត្ន។

គន្លឹះល្អៗ ដើម្បីជួយកូនរបស់អ្នកមានអារម្មណ៍ល្អ និងជៀសផុតពីផ្តាសាយរួមមាន ៖

ពេលខ្លះឱសថបុរាណ និងវិធីសាស្រ្តសាមញ្ញៗមួយចំនូន ក៏អាចជួយប្រយុទ្ធប្រឆាំងនឹងរោគសញ្ញានៃជំងឺផ្តាសាយបានយ៉ាងមានប្រសិទ្ធភាពខ្ពស់ផលដែរ។

សម្រាកគ្រប់គ្រាន់ ៖  នៅពេលដែលកុមារសម្រាកបានគ្រប់គ្រាន់ អាចជួយបំពេញថាមពលបន្ថែមទៀតរបស់កុមារបានយ៉ាងល្អ ជាពិសេសជួយពង្រឹងប្រព័ន្ធភាពស៊ាំរបស់កុមារបានល្អប្រសើរ។

បំពេញសារធាតុរាវ ៖  បំពេញសារធាតុរាវឲ្យបានគ្រប់គ្រាន់ អាចជួយឲ្យទារកជៀសផុតពីគ្រុនក្តៅ, ក្អួត និងរាគ។

ផ្តល់សំណើម ៖ ការផ្តល់ភាពសំណើមនៅក្នុងបន្ទប់កូនរបស់អ្នកគ្រប់គ្រាន់ អាចជួយកំចាត់មេរោគ និងជួយសម្រួលផ្លូវដង្ហើមបានយ៉ាងល្អ។

ពិគ្រោះយោបល់ជាមួយគ្រូពេទ្យមុនពេលផ្តល់ថ្នាំផ្តាសាយ និងក្អកឱ្យកុមារ ៖ ថ្នាំទាំងនេះមិនគួរត្រូវបានផ្តល់ឱ្យកុមារអាយុក្រោម 4 ឆ្នាំនៃអាយុ បើយោងតាមរដ្ឋបាលចំណីអាហារ។ ព្រោះថាវាមិនត្រឹមតែអាចព្យាបាលជំងឺបានតែមួយមុខតែប៉ុន្នោះទេ ប៉ុន្តែវាអាចបង្កហានិភ័យខ្ពស់ចំពោះកុមារផងដែរប្រសិនបើអ្នកប្រើប្រាស់មិនប្រុងប្រយ័ត្ន។

ប្រែសម្រួលដោយ ៖ លោក ណយ​ សីហា

ប្រភព​ ៖ www.webmd.com