ដំណោះស្រាយល្អៗសម្រាប់ការព្យាបាលក្អកចំពោះកុមារ

ក្អក គឺជាជំងឺទូទៅបំផុតនៅកុមារ ជាពិសេសនៅក្នុងរដូវរងារ។ វា អាចជាការលំបាក និងមានភាពតានតឹងសម្រាប់កូន ដើម្បីស្វែងរកដោះស្រាយ។ មូលហេតុចម្បងនៃការឆ្លងមេរោគរួមមានផ្លូវដង្ហើម, ជំងឺផ្តាសាយ, រលាកច្រមុះ, ចាល់ជាតិអាស៊ីត និងជំងឺហឺត។ វា ក៏អាចបង្កអាការៈមួយចំនួនទៀតដូចជា ពិបាកលេប, ហៀរសំបោរ, តឹងច្រមុះ, តឹងទ្រូង, ពិបាកដកដង្ហើម និងគ្រុនក្តៅ។ អ្នកត្រូវតែពិគ្រោះជាមួយគ្រូពេទ្យភ្លាម, នៅក្នុងករណី, ក្អកនៅតែបន្តកើតមានអស់រយៈពេលជាងមួយសប្តាហ៍។ ប៉ុន្តែប្រសិនបើកុមារស្ថិតនៅក្នុងករណីធម្មតា អ្នកអាចប្រើប្រាស់វិធីសាស្រ្តតាមបែបធម្មជាតិដើម្បីធ្វើការដោះស្រាយ ឬព្យាបាលបានដូចខាងក្រោម៖

ឲ្យកុមារគេងលើខ្នោយខ្ពស់

បើសិនជា ទារកមានអាយុចាប់ពី១ឆ្នាំ សូមដាក់ខ្នោយឲ្យទារកគេងឲ្យខ្ពស់ ដើម្បីកាត់បន្ថយការក្អក ព្រមទាំងផ្តល់ភាពងាយស្រួលសម្រាប់កុមារ ធ្វើការដកដង្ហើមបានល្អ។

ការផ្តល់សំណើម

សូមប្រើប្រាស់ឧបករណ៍ផ្តល់សំណើម ដើម្បីរក្សាសំណើមនៅក្នុងបន្ទប់របស់ទារកបានល្អ។ លើសពីនេះទៅទៀត អ្នកគួរតែបើកបង្អួចនៅពេលព្រឹក ដើម្បីឱ្យខ្យល់ចេញចូលនៅក្នុងបន្ទប់ សម្រាប់ទប់ស្កាត់ការកើតឡើងនៃរោគផ្សិត។

សម្រាកឲ្យបានគ្រប់គ្រាន់

ការក្អក អាចបង្កឲ្យកុមារហត់នឿយ ព្រមទាំមិនមានថាមពលគ្រប់គ្រាន់សម្រាប់ប្រឆាំងជាមួយនឹងមេរោគ។

ចំហាយ /ងូតទឹកក្តៅ

ការងូតទឹកក្តៅ អាចជួយកាត់បន្ថយការក្អកចំពោះកុមារ ប៉ុន្តែប្រសិនបើអ្នកងូតទឹកក្តៅឲ្យកូនមុនពេលកុមារចូលគេង ១០នាទី កាន់តែល្អប្រសើរ ដើម្បីឲ្យកុមារគេងលក់ស្រួលនៅពេលយប់។

ស៊ុប​មាន់

ស៊ុបមាន់ក្តៅបម្រើទៅក្មេងរបស់អ្នក។ យោងតាមការស្រាវជ្រាវ ស៊ុបមាន់មានលក្ខណៈសម្បត្តិប្រឆាំងនឹងការរលាក ព្រមទាំងជួយបំបាត់ស្លេស៍យ៉ាងមានប្រសិទ្ធិភាព។

ប្រែសម្រួលដោយ ៖ លោក ណយ​ សីហា

ប្រភព​ ៖ www.homeremedyshop.com