តើស្រី្តមានផ្ទៃពោះគួរធ្វើដូចម្តេច នៅក្នុងអំឡុងពេលកំពុងពពោះ ដើម្បីទារកមានភាពវៃឆ្លាត ក្រោយពីសម្រាលរួច?

អ្នកបានដឹងរួចទៅហើយថា ការរស់នៅប្រកបដោយសុខភាពល្អ អាចជួយឱ្យកូនរបស់អ្នកលូតលាស់បានបានលឿន ប៉ុន្តែតើអ្នកប្រាកដទេថា កូនរបស់អ្នកមានភាពវៃឆ្លាតឬទេ? ជាការពិតណាស់, ជម្រើសសាមញ្ញដែលអ្នកធ្វើជារៀងរាល់ថ្ងៃពីការបរិភោគ salad និងបន្លែស្លឹកបៃតងសម្រាប់អាហារថ្ងៃត្រង់ ដើម្បី ជួយអភិវឌ្ឍន៍ខួរក្បាលរបស់ទារក។ អ្នកស្រី Diane Ashton ជានាយករងផ្នែកវេជ្ជសាស្រ្ត នៃ March of Dimes បាននិយាយថា "អ្វីដែលអ្នកធ្វើបានធ្វើ អំឡុងពេលដែលអ្នកកំពុងមានផ្ទៃពោះអាចមានផលប៉ះពាល់ដល់ការអភិវឌ្ឍខួរក្បាល និងភាពវៃឆ្លាតរបស់កូន ខ្លាំងជាងអ្វីដែលអ្នកធ្វើបានធ្វើ ក្រោយពេលដែលអ្នកផ្តល់កំណើតរួច»។

នៅខាងក្រោមនេះ គឺជាកត្តាមួយចំនួនដែលជួយឲ្យទារកមានការលូតលាស់ខួរក្បាលបានល្អ ៖

ការប្រើប្រាស់ថ្នាំ

លេបថ្នាំមុនសម្រាលកូនដូចជា អាស៊ីតហ្វូលិកវីតាមីន B គឺជាការសំខាន់។ អាស៊ីតហ្វូលិកត្រូវបានគេស្គាល់ថា វាដើរតួនាទីយ៉ាងសំខាន់ក្នុងការបង្កើតកោសិកាខួរក្បាលឲ្យមានសុខភាពល្អ។ តាមការស្រាវជ្រាវនៃសមាគមវេជ្ជសាស្ត្ររបស់អាមេរិកបានរកឃើញថា ស្ត្រីដែលបានប្រើអាស៊ីតហ្វូលិ នៅអំឡុងពេលមានផ្ទៃពោះពី ៤សប្តាហ៍ ទៅ៨សប្តាហ៍ អាចកាត់បន្ថយហានិភ័យ 40 ភាគរនៃការផ្តល់កំណើតដល់កូនដែលមានភាពខុសប្រក្រតីបាន។

ការបង្កើនបញ្ញា

យោងតាមការសិក្សាផ្នែកវេជ្ជសាស្ត្ររបស់អាមេរិច បានលើកឡើងថា 30 នាទីនៃការធ្វើលំហាត់ប្រាណកម្រិតមធ្យមសម្រាប់ស្ត្រីមានផ្ទៃពោះ អាចជំរុញកំណើន និងការអភិវឌ្ឍនៃខួរក្បាលរបស់ទារក ដូចជាសរីរាង្គសំខាន់។

ការបង្កើតភាពស្និតស្នាល

លោក Harold Koplewic ជាប្រធានវិទ្យាស្ថានChild Mind នៅក្នុងទីក្រុងញូវយ៉កបាននិយាយថា អ្នកប្រហែលជាមានអារម្មណ៍ល្អក្នុងការនិយាយទៅកាន់កូនរបស់អ្នកនៅក្នុងផ្ទៃ ហើយវាអាចជួយអ្នកក្នុងការបង្កើតទំនាក់ទំនងជិតស្និទ្ធជាមួយឪពុកម្តាយបាន។ អ្នកស្រាវជ្រាវបានបង្ហាញថា ទារកនៅក្នុងផ្ទៃអាចស្តាប់ឮ និងទទួលសំឡេងបាន ដូចនេះហើយអ្នកអាចនិយាយ, ច្រៀង, ឬអានទៅកាន់ទារកនៅក្នុងផ្ទៃបាន។

ការអភិវឌ្ឃន៍ប្រាជ្ញា​

ក្នុងអំឡុងពេលដែលទារកមិនទាន់កើត ខួរក្បាលទារក ធ្វើការអភិវឌ្ឍនៅក្នុងស្បូនម្តាយ។ លោកវេជ្ជបណ្ឌិត អាស្តុនបាននិយាយថា នៅរយៈពេល 35 សប្តាហ៍ទំហំនៃខួរក្បាលរបស់ទារក គឺមានតែពីរភាគបីតែប៉ុន្នោះ រហូតដល់សប្តាហ៍ទី 39 ឬ 40 ទើបខួរក្បាលទារកពេញលេញ។ មាតាត្រូវចង់ចាំថា កុំជក់បារីឬផឹកគ្រឿងស្រវឹង ភាពតានតឹង និងគ្រប់គ្រងជំងឺធ្ងន់ធ្ងរមួយចំនួន ដូចជាជំងឺទឹកនោមផ្អែមជាដើម ដើម្បីឲ្យទារកមានសុខភាពល្អ និងមានភាពវៃឆ្លាត។ 

ប្រែសម្រួលដោយ ៖ លោក ណយ​ សីហា

ប្រភព​ ៖ www.parents.com