តើអ្នកគួរធ្វើដូចម្តេច ដើម្បីព្យាបាលជំងឺក្អកស្ងួត និងស្លេស៍របស់កុមារ?

នៅពេលដែលកូនរបស់អ្នកក្អក អាចបង្កឲ្យមានស្លេស៍កើតឡើង។ មានមូលហេតុជាច្រើនដែលបង្កឲ្យកូនរបស់អ្នកក្អក បណ្តាលមកពីការឆ្លងមេរោគបាក់តេរីក្នុងផ្លូវដង្ហើម, ជំងឺគ្រុនផ្តាសាយ ឬមេរោគផ្សេងទៀត។ នៅពេលដែលកូនរបស់អ្នកមានអាការៈក្អកខ្លាំងក្នុងរយៈពេល ៤ ឬ ៥ថ្ងៃ នោះមេរោគនឹងឆ្លងតាមប្រហោងឆ្អឹង រួចហូរចូលក្នុងបំពង់ក ដែលបង្កឲ្យមានអាឡែរហ្សី និងជំងឺហឺត។

ជំហាន៥យ៉ាង ដើម្បីព្យាបាលការក្អកស្ងួត និងក្អកស្លេស៍របស់កុមារ ៖

ជំហាន​ទី 1

សូមព្យាយាមឲ្យកូនរបស់អ្នកពិសារទឹកឲ្យបានច្រើន ដើម្បីរក្សាសំណើមនៅក្នុងបំពង់ក និងជាតិទឹកនៅក្នុងខ្លួន។ ម៉្យាងវិញទៀតអ្នកអាចផ្តល់ទឹកក្តៅឧណ្ឌៗដល់កូនរបស់អ្នក ដូចជា ស៊ុបសាច់មាន់ និងតែទឹកឃ្មុំក្រូចឆ្មាបាន។

ជំហានទី 2

សូមឲ្យកូនរបស់អ្នកងូតទឹកក្តោឧណ្ឌៗ នៅក្នុងបន្ទប់ ដើម្បីជួយសម្រួលដល់ការដកដង្ហើម តឹងច្រមុះ និងការឈឺបំពង់ក។

ជំហានទី 3

សូមរក្សាបន្ទប់កូនរបស់អ្នកឲ្យមានសំណើម និងស្អាត ដើម្បីឲ្យកូនរបស់អ្នកគេងល្អបានល្អ។

ជំហានទី 4

អ្នកអាចទៅពិគ្រោះជាមួយគ្រូពេទ្យ ដើម្បីសាកសួរថា តើថ្នាំប្រភេទណា ដែលអាចសមរម្យសម្រាប់កូនរបស់អ្នកប្រើប្រាស់បាន។ សូមកុំផ្តល់ឱ្យការក្អក ឬថ្នាំផ្តាសាយទៅកាន់កូនរបស់អ្នក ដោយគ្មានការយល់ព្រមពីគ្រូពេទ្យរបស់អ្នក ប្រសិនបើកូនរបស់អ្នកមានអាយុក្រោម 6 ឆ្នាំ ។

ជំហានទី 5

ប្រសិនបើកូនរបស់អ្នកមានបញ្ហាក្នុងការដងដង្ហើម ដោយមានរោគសញ្ញាមួយចំនួនដូចជា ដកដង្ហើមឮសំឡេង និងក្អកមានឈាម សូមបញ្ញូនកូនរបស់អ្នកទៅមន្ទីពេទ្យជាបន្ទាន់។

ការព្រមាន

• មិនត្រូវអនុញ្ញាត្តិឲ្យកុមារនៅជិនអ្នកជក់បារីនោះទេ
• កុំផ្តល់ថ្នាំក្អកដល់កុមារដែលមានអាយុក្រោម៤ឆ្នាំ

ប្រែសម្រួលដោយ ៖ លោក ណយ​ សីហា

ប្រភព​ ៖ www.livestrong.com