វិធីសាស្រ្ត ដើម្បីគេងលក់ស្រួលពេលមានជំងឺក្អក

អ្នកអាចបញ្ឈប់ក្អកនៅពេលយប់ ដោយគ្រាន់តែប្រើប្រាស់ទំលាប់នៃការគេងរបស់អ្នក។ សូមជៀសវាងការគេងនៅក្រោមម៉ាស៊ីនកំដៅ ឬម៉ាស៊ីនត្រជាក់។ ប៉ុន្តែអ្នកអាចប្រើប្រាស់នៅឱសថធម្មជាតិ ដើម្បីបំបាត់រោគក្អកបានដូចជាទឹកឃ្មុំជាដើម។ នៅខាងក្រោមនេះ គឺជាវិធីសាស្ត្រ ដើម្បីជួយឲ្យអ្នកគេងលក់បានយូរ ពេលមានជំងឺក្អកៈ

គេងទ្រេត ៖ សូមដាក់ខ្នោយឲ្យច្រើនជាង១ ដើម្បីទ្រក្បាលរបស់អ្នកឲ្យខ្ពស់ជាងខ្លួន។

• អ្នកគួរតែដាក់ខ្នើយនៅក្រោមក្បាលរបស់អ្នក ដើម្បីជួយរក្សាអាស៊ីតក្នុងក្រពះរបស់លោកអ្នកធ្លាក់ចុះ ដូច្នេះវានឹងមិនធ្វើឱ្យរលាកបំពង់ករបស់អ្នក។
• សូមជៀសវាងការគេង ដោយឲ្យក្បាល និងខ្លួនស្មើគ្នា ព្រោះវាអាចបង្កឱ្យអ្នកក្អកនៅពេលយប់។​
• ការគេងទ្រេត គឺជាវិធីសាស្រ្តមួយដែលល្អបំផុតសម្រាប់ព្យាបាលក្អកនៅពេលយប់។

ងូតទឹកក្តៅមុនពេលគេង ៖ នៅពេលដែលផ្លូវដង្ហើមរបស់អ្នកស្ងួត វាអាចបង្កឲ្យអ្នកក្អកនៅពេលយប់កាន់តែអាក្រក់។ ដូច្នេះ អ្នកគួរតែងូតទឹកក្តៅ ដើម្បីផ្តល់សំណើមនៅក្នុងខ្លួនរបស់អ្នកបានគ្រប់គ្រាន់។

• ប្រសិនបើអ្នកមានជំងឺហឺត ចំហាយទឹកក្តៅអាចធ្វើឱ្យអ្នកក្អកកាន់តែអាក្រក់។ សូមកុំព្យាយាមប្រើប្រាស់វិធីសាស្រ្តបែបនេះ ប្រសិនបើអ្នកមានជំងឺហឺត។

ជៀសវាងគេងនៅក្រោមម៉ាស៊ីនកំដៅ ឬម៉ាស៊ីនត្រជាក់ ៖ ខ្យល់ត្រជាក់នៅពេលយប់ អាចនឹងបង្កឲ្យអ្នកក្អកកាន់តែអាក្រក់។ អ្នកអាចផ្លាស់ទីលើគ្រែរបស់អ្នក ដើម្បីកុំឲ្យប៉ះខ្យល់ត្រជាក់ពីម៉ាស៊ីនត្រជាក់។

លាងសម្អាតគ្រែយ៉ាងហោចណាស់ម្តងក្នុងមួយសប្តាហ៍ ៖ ប្រសិនបើអ្នកក្អកពេលយប់ជាប់ៗគ្នា នោះអាចបង្ហាញឲ្យអ្នកឃើញថា អ្នកប្រហែលជាអាឡែរហ្សី។ ធូលីដី, សត្វតូចដែលរស់នៅក្នុងពូក គឺជាគន្លឹះមួយ ដែលជាប្រតិកម្មអាឡែហ្ស៊ី។

• សូមលាងសម្អាតកន្លែងគេងរបស់អ្នកយ៉ាងហោចណាស់មួយសប្តាហ៍ម្តង

ដាក់ទឹកមួយកែវនៅលើតុក្បែរគ្រែរបស់អ្នក ៖ ប្រសិនបើអ្នកក្អកនៅពេលយប់អ្នកអាចពិសាទឹក ដើម្បីលាងចម្រះបំពង់ករបស់អ្នកជាមួយទឹកបាន។

សូមព្យាយាមដើម្បីដកដង្ហើមតាមច្រមុះ ពេលកំពុងគេង ៖ នៅពេលដែលអ្នកដកដង្ហើមតាមច្រមុះ អាចជួយសម្រួលភាពតានតឹងនៅត្រង់បំពង់កបាន។

• អង្គុយត្រង់ខ្លួននៅក្នុងទីតាំងមានផាសុខភាពមួយ
• សម្រាកនៅលើគ្រែ រួមបិទមាត់របស់អ្នក
• ដាក់ដៃនៅលើសន្ទះទ្រូងរបស់អ្នក, ឬតំបន់ពោះ
• ដកដង្ហើមឲ្យវែងៗតាមច្រមុះពីរទៅបីវិនាទីម្តង

ប្រែសម្រួលដោយ ៖ លោក ណយ​ សីហា

ប្រភព​ ៖ www.wikihow.com