ជំហានសាមញ្ញ ដើម្បីបង្ការការឈឺក្បាលមួយចំហៀង

ថ្នាំ គឺជាវិធីដ៏មានប្រសិទ្ធភាពខ្ពស់ក្នុងការព្យាបាល និងបង្ការការឈឺក្បាលមួយចំហៀង ប៉ុន្តែការប្រើថ្នាំ គឺគ្រាន់តែជាផ្នែកមួយតែប៉ុន្នោះ។ វាក៏ជាការសំខាន់ផងដែរ ដើម្បីថែរក្សាខ្លួនឯងដោយល្អ និងយល់ពីរបៀបក្នុងការដោះស្រាយជាមួយនឹងបញ្ហាការឈឺក្បាលមួយចំហៀង នៅពេលដែលវាកើតមានឡើង។

ជាការពិតណាស់ ការយល់ដឹងពីរបៀបគ្រប់គ្រង ការរស់នៅ និងអាកប្បកិរិយា អាចជាវិធីសាស្រ្តដ៏ និងមានប្រសិទ្ធភាពបំផុតក្នុងការដោះស្រាយការឈឺក្បាលមួយចំហៀងបាន។

ស្វែងរកកន្លែងស្ងប់ស្ងាត់

បិទភ្លើង ៖ ការឈឺក្បាលងជាញឹកញាប់ ក៏បង្កឡើងពីការគិតច្រើន និងសំឡេង។ សូមសម្រាកនៅក្នុងបន្ទប់ដែលងងឹត និងស្ងាត់។

តុល្យភាពនៃសីតុណ្ហភាព ៖ ក្តៅ ឬត្រជាក់ពេក ក៏ជាកត្តា ដែលបង្កឲ្យមានការឈឺក្បាល។

ផឹកភេសជ្ជៈមានជាតិកាហ្វេអ៊ីន ៖ ក្នុងបរិមាណតូចនៃជាតិកាហ្វេអ៊ីន អាចបន្ថយការឈឺក្បាល។ សូមប្រុងប្រយ័ត្ន ប្រសិនបើទទួលទានជាតិកាហ្វេអ៊ីនច្រើនពេក អាចនាំឱ្យមានការឈឺក្បាល។

គេងឲ្យបានគ្រប់គ្រាន់

ឈឺក្បាលមួយចំនួន អាចបង្កឡើងពីការគេងមិនគ្រប់គ្រាន់ ឬភ្ញាក់ឡើងនៅពេលយប់។ខាងក្រោមនេះ ជាគន្លឹះខ្លះ សម្រាប់ធ្វើឲ្យអ្នកគេងលក់បានយូរ។

បង្កើតម៉ោងគេងជាទៀងទាត់ ៖ ក្រោកឡើង និងចូលគេងឲ្យបានទៀងទាត់ អាចជួយអ្នកមានសុខភាពល្អ។

កាត់បន្ថយការរំខាន ៖ កុំមើលទូរទស្សន៍ ឬយកសម្ភារៈបំពងសំលេងចូលទៅក្នុងបន្ទប់គេង។

កុំព្យាយាមគេង ៖ ប្រសិនបើអ្នកមិនគេង សូមអានសៀវភៅ ឬធ្វើសកម្មភាពផ្សេងទៀតរហូតដល់អ្នកបានស្ងប់ស្ងាត់ ឬងងុយគេង។

បរិភោគត្រឹមត្រូវ

ទម្លាប់នៃការបរិភោគអាហារ អាចមានឥទ្ធិពលលើការឈឺក្បាលបាន។ សូមពិចារណាមូលដ្ឋានដូចជា:

ស៊ីសង្វាក់គ្នា ៖ បរិភោគទៅតាមម៉ោងឲ្យបានទៀងទាត់ ជារៀងរាល់ថ្ងៃ។

កុំតមអាហារ ៖ ការតមអាហារ បង្កើនហានិភ័យនៃការឈឺក្បាលបាន។

អាហារគួរជៀសវាង ៖ ប្រសិនបើអ្នកសង្ស័យថាម្ហូបអាហារ អាចបង្កឱ្យមានការឈឺក្បាល សូមលុបបំបាត់ ឬជៀសវាងកុំបរិភោគអាហារប្រភេទមួយនឹងទៀង។

ប្រែសម្រួលដោយ ៖ លោក ណយ​ សីហា

ប្រភព​ ៖ www.mayoclinic.org