ហេតុផលទាំង៦យ៉ាង ដែលធ្វើឲ្យទារកយំ

ទារកតែងតែត្រូវការអាហារ​ ភាពកក់ក្តៅ និងការលួងលោមពីម្តាយ។ នៅពេលដែលទារកយំ គឺជាសញ្ញាមួយ ដែលបង្ហាញថា ទារកកំពុងចង់បានអ្វីមួយ ឬមានបញ្ហាកើតឡើង។ ពេលខ្លះវាក៏ជារឿងលំបាកសម្រាប់មាតា ដើម្បីថែទាំ និងស្វែងយល់ពីបញ្ហារបស់ទារក។ មានហេតុផលមួយចំនួន ដែលអាចធ្វើឲ្យទារកយំ​ ៖

ឃ្លាន

ភាពអត់ឃ្លាន គឺជាផ្នែកមួយនៃមូលហេតុទូទៅបំផុត ដែលបង្កឲ្យទារកយំ។ ក្រពះរបស់ទារក គឺតូច និងមិនអាចផ្ទុកអាហារបានច្រើន ដូន្នេះហើយមាតាគួរតែផ្តល់អាហារសម្រាប់ទារកឲ្យបានញឹកញាប់។

អារម្មណ៍ចង់យំ

បើសិនជាទារក មានអាយុតិចជាង ៤ខែ, ទារកអាចនឹងយំនៅក្នុងពេលរសៀល និងពេលល្ងាច។ នេះគឺជការធម្មតារបស់ទារក ដូចនេះមាតាមិនត្រូវព្រួយបារម្ភនោះទេ។ ម៉្យាងវិញទៀត ទារកតែងតែយំ ក្រោយពេលសម្រាលរួចបានមួយសប្តាហ៍ និងចន្លោះពី ពីរខែ ទៅ ប្រាំខែ។

ធុញទ្រាន់

ទារកជាញឹកញាប់ តែងតែមានការលំបាកក្នុងការគេង។ សូមព្យាយាមយកទារកទៅបន្ទប់ស្ងាត់ មុនពេលគេង ដើម្បីជួយឲ្យទារកស្ងប់ចិត្ដ។

ត្រជាក់ពេក ឬក្តៅពេក

អ្នកអាចពិនិត្យមើល ថាតើទារកមានភាពក្តៅពេក ឬត្រជាក់ពេក ដោយគ្រាន់តែយកដៃមកស្ទៀបពោះរបស់ទារក។ ប្រសិនបើ ក្បាលពោះរបស់ទារក ក្តៅពេក មាតាគួរតែយកភួយចេញ ប៉ុន្តែប្រសិនបើក្បាលពោះរបស់ទារកត្រជាក់ មាតាត្រូវយកភួយមកគ្រប់ឲ្យទារកវិញ។ សូមរក្សាសីតុណ្ហភាពប្រហែល 18 អង្សា C ក្នុងបន្ទប់របស់​ទារក។

ការផ្លាស់ប្តូរខោទឹកនោម

ទារកអាចយំ ប្រសិនបើខោទឹកនោមសើម ឬប្រឡាក់ ប៉ុន្តែទារកខ្លះមិនយំទេ លុះត្រាតែរលាកស្បែក។ ប្រសិនបើទារកមិនចូលចិត្ត ផ្លាស់ប្តូរខោទឹកនោម វាអាចដោយសារ ខ្យល់ត្រជាក់នៅលើស្បែករបស់ទារក

អារម្មណ៍មិនល្អ

បើសិនជា ទារកមិនស្រួលខ្លួនទេ នោះទារកនឹងស្រែកយំខ្លាំងៗ។ នៅក្នុងករណីដែលទារកយំ និងបាត់យំខុសពីធម្មតា នេះអាចជាសញ្ញាមិនល្អទេ។ នៅពេលដែលទារក គ្រុនក្តៅ, ក្អួត, មានជំងឺរាគរូស, ទល់លាមក ឬពិបាកដកដង្ហើម  សូមមាតាបញ្ជូនកូនទៅមន្ទីពេទ្យជាបន្ទាន់។

ប្រែសម្រួលដោយ ៖ លោក ណយ​ សីហា

ប្រភព​ ៖ www.babycentre.co.uk