មជ្ឈមណ្ឌលសុខាភិបាលនៃសាកលវិទ្យាល័យ Maryland បានបង្ហាញថា ខ្ញីត្រូវបានប្រើប្រាស់ជាឱសថអស់រយៈរាប់ពាន់ឆ្នាំណាស់មកហើយ ដើម្បីព្យាបាលជំងឺមួយចំនួនដូចជាការចង់ក្អួត, ឈឺក្បាល, ជំងឺផ្លូវអារម្មណ៍, រោគសញ្ញាផ្តាសាយ និង ក្អក។

ខ្ញី

ខ្ញី គឺប្រភេទរុក្ខជាតិ ដែលមានមើមនៅក្នុងក្រោមដី។ មនុស្សជាច្រើន បានយកវាមិនចំអិនធ្វើម្ហូប លើសពីនេះទៀត គេក៏បានប្រើប្រាស់ឱសថផងដែរ។ ខ្ញីគឺជាអាហារមួយ ដែលពេញនិយមប្រើយ៉ាងទូលំទូលាយនៅក្នុងម្ហូបអាស៊ី។ ដោយយោងទៅតាមវិទ្យាស្ថានជាតិសុខភាព បានលើកឡើងថា ខ្ញី មានប្រសិទ្ធិភាពក្នុងការកាត់បន្ថយការក្អួតចង្អោ និងការរលាក។

ប្រើខ្ញីសម្រាប់ព្យាបាលក្អក

ខ្ញីត្រូវបានគេប្រើប្រាស់សម្រាប់ព្យាបាលការឈឺបំពង់ក និងកាត់បន្ថយការក្អក ដែលបង្កឡើងពីជំងឺផ្តាសាយបាន។ ម្យ៉ាងវិញទៀត មជ្ឈមណ្ឌលវេជ្ជសាស្ត្រនៃសាកលវិទ្យាល័យរដ្ឋ Maryland បានកត់ត្រាថា ខ្ញី គឺជារូបមន្តបែបធម្មជាតិមួយ សម្រាប់ព្យាបាលការក្អក ។

របៀបធ្វើ ឬរូបមន្ត

ខ្ញីអាចរួមបញ្ចូលគ្នាជាមួយទឹកក្តៅ, ក្រូចឆ្មា និងទឹកឃ្មុំ ដើម្បីធ្វើឱ្យកាន់តែមានប្រសិទ្ធិភាពខ្ពស់សម្រាប់ព្យាបាលក្អក និងការឈឺក។ រូបមន្តធ្វើ ៖ អ្នកត្រូវយកទឹកមួយ ពែង បន្ទាប់មកដាក់ទឹកខ្ញី និងទឹកក្រូចឆ្មា ប្រមាណ១/៨ នៃស្លាបព្រា ហើយកវាដាំឲ្យពុះ រូចដាក់ទឹកឃ្មុំ១ស្លាបព្រាបន្ថែមទៀតជាការស្រេច។

ដំណើរការរបស់ខ្ញី

ឱសថខ្ញីមាន សារធាតុប្រឆាំងអុកស៊ីតកម្ម និងជ័រទឹក។ ជ័រទឹកនៅក្នុងខ្ញីមានសមត្ថ អាចបំបាត់ និងបង្ក្រាបការក្អក។ សមាសធាតុដែលមាននៅក្នុងខ្ញី គឺមានគុណភាពខ្ពស់នៅក្នុងការបំបាត់ក្អក។ 

ប្រែសម្រួលដោយ ៖ លោក ណយ​ សីហា

ប្រភព​ ៖ www.livestrong.com