ផ្លែម្នាស់ មិនត្រឹមតែជាផ្លែឈើដែលមានឱរសជាតិឆ្ងាញ់នោះទេ តែវាថែមទាំងផ្តល់អត្ថប្រយោជន៍យ៉ាងច្រើនសម្រាប់សុខភាពថែមទៀតផង។ លើសពីនេះទៅទៀត វាអាចជួយអ្នក ដើម្បីព្យាបាលការឈឺបំពង់ក និងក្អកបានយ៉ាងមានប្រសិទ្ធិភាពខ្ពស់ផងដែរ។ ប្រសិនបើអ្នកកំពុងសម្លឹងមើលឱសថធម្មជាតិ សូមកុំមើលរំលងផ្លែម្នាស់សម្រាប់បំបាត់ការឈឺបំពង់ក។

ទឹកម្នាស់សម្រាប់ព្យាបាលក្អក

ផ្លែម្នាស់ គឺសម្បូរទៅដោយសារធាតុ Bromelain និងអង់ហ្ស៊ីម ដែលមានលក្ខណៈសម្បត្តិប្រយុទ្ធប្រឆាំងនឹងការរលាក, ការឆ្លងមេរោគ, និងបំផ្លាញបាក់តេរី។ វាអាចជួយក្នុងការកាត់បន្ថយការរលាកនៅខាងក្រោយនៃអណ្តាត និងនៅក្នុងប្រអប់សំឡេង។ ព្រមទាំងជួយសម្រួលទៅដល់ផូវដង្ហើម ដើម្បីកុំឲ្យប៉ះពល់ពីការរលាក។  អង់ហ្ស៊ីម មានឥទ្ធិពលខ្លាំង សម្រាប់ព្យាបាលការហើមច្រមុះ និងការរលាក ដែលបង្កឡើងដោយការវះកាត់ ឬការរងរបួស។

ផ្លែម្នាស់ មានលក្ខណៈសម្បត្តិប្រឆាំងនឹងវីរុស និងបាក់តេរី។ វាជួយធ្វើការព្យាបាលក្អក ដោយជួយសម្រួលផ្លូវដង្ហើមរបស់អ្នកបានយ៉ាងល្អ។ ផ្លែឈើនេះ គឺជាប្រភពនៃវីតាមីន C ដែលជួយក្នុងការបង្កើនប្រព័ន្ធការពាររាងកាយរបស់អ្នក។

ទឹកម្នាស់សម្រាប់ព្យាបាលការឈឺក

ទឹកម្នាស់ គឺមានប្រសិទ្ធិភាពខ្ពស់ក្នុងការជួយរាងកាយបណ្តេញរំអិល និងផ្តល់ជំនួយសម្រាប់ការឈឺបំពង់ក។ សំនើក្រាស់ ដែលជាប់នឹងរន្ធសួត អាចបង្កឱ្យមានការឆ្លងមេរោគ ដូចជាការឈឺចាប់គ្មានទីបញ្ចប់, ការក្អក និងកណ្តាស់។ ក្នុងការសិក្សាថ្មីមួយ, វាត្រូវបានរកឃើញថាទឹកម្នាស់ អាចលាយជាមួយទឹកឃ្មុំ និងអំបិល អាចជួយក្នុងការរំលាយជាតិរំអិលនៅក្នុងសួតរបស់អ្នកបាន។

ប្រែសម្រួលដោយ ៖ លោក ណយ​ សីហា

ប្រភព​ ៖ www.stylecraze.com