ការព្យាបាលជំងឺផ្តាសាយ ឬជំងឺគ្រុនផ្តាសាយនៅពេលដែលមានផ្ទៃពោះ

អ្វីគ្រប់យ៉ាងបានផ្លាស់ប្តូរនៅពេលដែលអ្នកមានផ្ទៃពោះ ព្រោះថាវាអាចបង្កផលប៉ះពាល់ដល់រាងកាយនិងកូនក្នុងផ្ទៃរបស់អ្នកគ្រប់ពេលវេលាបាន។

ប្រសិនបើអ្នកទទួលបានត្រជាក់ឬឈឺដោយមានជំងឺគ្រុនផ្តាសាយ, អ្នកនឹងព្រួយបារម្ភអំពីការឆ្លងមេរោគ ដែលប៉ះពាល់ដល់កូនក្នុងផ្ទៃរបស់អ្នក។ តើរោគសញ្ញាទាំងនោះអាចប៉ះពាល់ដល់កូនរបស់អ្នកទេ?

តើស្រ្តីមានផ្ទៃពោះគួរធ្វើយ៉ាងដូចម្តេច ដើម្បីកាត់បន្ថយផលប៉ះពាល់នៃជំងឺផ្តាសាយ?

ដោយយោងទៅតាម គ្លីនីក Cleveland  បានបញ្ជាក់ថា ស្ត្រីមានផ្ទៃពោះមានហានិភ័យខ្ពស់នៃជំងឺផ្តាសាយ ឬជំងឺគ្រុនផ្តាសាយ ដោយសារតែប្រព័ន្ធភាពស៊ាំរបស់ពួកគេត្រូវបានធ្លាក់ចុះ ក្នុងអំឡុងពេលមានផ្ទៃពោះ ។ មិនត្រឹមតែប៉ុណ្នោះ ម្តាយងាយនឹងឆ្លងមេរោគមេរោគ និងបាក់តេរីផ្សេងបានឆាប់រហ័ស។

បើយោងតាមមជ្ឈមណ្ឌលគ្រប់គ្រងនិងការពារជំងឺ (CDC) បានលើកឡើងថា ការចាក់វ៉ាក់សាំងការពារជំងឺផ្តាសាយ អាចជួយឱ្យស្ត្រីមានផ្ទៃពោះ និងទារក របស់ពួកគេរហូតដល់ទៅប្រាំមួយខែបន្ទាប់ពីឆ្លងទន្លេ។ ដូច្នេះវាជាការសំខាន់សម្រាប់ស្ត្រីមានផ្ទៃពោះត្រូវទៅចាក់ថ្នាំបង្ការតាមតារាងពេលវេលាឲ្យបានត្រឹមត្រូវ។

មានកត្តាផ្សេងៗទៀត ដែលអ្នកអាចធ្វើបានដើម្បីកាត់បន្ថយការប្រឈមនៃការឈឺរួមមាន:

1. លាងដៃរបស់អ្នកឱ្យបានញឹកញាប់
2. គេងឱ្យបានគ្រប់គ្រាន់
3. ទទួលទានរបបអាហារដែលមានសុខភាពល្អ
4. ការធ្វើលំហាត់ប្រាណឱ្យបានទៀងទាត់
5. ការកាត់បន្ថយភាពតានតឹង

ការព្យាបាលសម្រាប់ជំងឺគ្រុនផ្តាសាយ ក្នុងអំឡុងមានផ្ទៃពោះ

យើងអាចព្យាបាលជំងឺផ្តាសាយ តាមវិធីសាស្រ្តសាមញ្ញៗមូយចំនួនដូចខាងក្រោម ៖

1. សម្រាកឱ្យបានច្រើន
2. ផឹកទឹកច្រើន
3. ខ្ពុរមាត់ជាមួយនឹងទឹកអំបិល សម្រាប់ការឈឺក ឬក្អក

តើស្រ្តីមានផ្ទៃពោះគួរប្រើប្រាស់ថ្នាំឬទេ?

នេះបើយោងតាមសាកលវិទ្យាល័យ Michigan Health System បានលើកឡើងថា វាជាការល្អបំផុតដើម្បីចៀសវាងការប្រើថ្នាំទាំងអស់នៅក្នុង 12 សប្តាហ៍ដំបូងនៃការមានផ្ទៃពោះ។ នោះជាពេលវេលាមួយសំខាន់សម្រាប់ការអភិវឌ្ឍនៃសរីរាង្គសំខាន់របស់ទារក។ គ្រូពេទ្យបានផ្ដល់អនុសាសន៍ឱ្យមានការប្រុងប្រយ័ត្នឲ្យបានខ្លាំង បន្ទាប់ពី 28 សប្តាហ៍ ដោយធ្វើការពិភាក្សាជាមួយ គ្រូពេទ្យមុននឹងប្រើថ្នាំណាមួយប្រសិន។

ប្រែសម្រួលដោយ ៖ លោក ណយ​ សីហា

ប្រភព​ ៖ www.healthline.com