ហេតុអ្វីបានជាអ្នកមានអាការៈឈឺក្បាល ក្រោយពីក្រោកពីដំណេក?

នៅពេលដែលអ្នកភ្ញាក់ពីគេង អាចបង្កឲ្យអ្នកឈឺក្បាល ហើយអាចបង្កផលប៉ះពាល់ដល់ការអារម្មណ៍ និងការងាររបស់អ្នកផងដែរ។ ការឈឺមួយចំហៀងក្បាល អាចកើតឡើងនៅចន្លោះពេលពីម៉ោង ៤ :០០ ព្រឹក និងម៉ោង ៩ :00 ព្រឹក ដែលជាហេតុធ្វើឲ្យអ្នកមានអារម្មណ៍ធុញទ្រាន់។

អ្នកប្រហែលជាមានការឈឺក្បាលញឹកញាប់ ប្រសិនបើអ្នកគេងមិនបានគ្រប់គ្រាន់ ព្រោះខួរក្បាលរបស់អ្នកមិនបានសម្រាកត្រឹមត្រូវ។ នៅខាងក្រោមនេះ ជាមូលហេតុដែលធ្វើឲ្យអ្នកមានការឈឺក្បាល ក្រោយពីក្រោកពីដំណេក​ ៖

ការគេងមិនលក់

ការគេងមិនគ្រប់គ្រាន់ ក៏អាចជាគន្លឹះសម្រាប់ការឈឺក្បាល។ ក្នុងករណីដែលអ្នកភ្ញាក់នៅក្នុងពាក់កណ្តាលយប់ ឬនៅពេលព្រឹកព្រលឹម ជាមូលហេតុដែលបង្កឲ្យអ្នកគេងមិនគ្រប់គ្រាន់ និងមានអាការៈឈឺក្បាល ថប់បារម្ភ ជំងឺធ្លាក់ទឹកចិត្ត និងមានភាពស្ពឹកស្រពន់។

ស្រមុក

ប្រសិនបើអ្នកគេងជាមួយអ្នកស្រមុកអាចបង្កឲ្យភ្ងាក់ ឬរំខានដល់ដំណេករបស់អ្នកបាន។ ម៉្យាងវិញទៀត គេងស្រមុក បង្កហានិភ័យដល់ការឈឺក្បាលរ៉ាំរ៉ៃ ហើយវាអាចជាសញ្ញាមួយនៃការគេងមិនដកដង្ហើម និងជាលក្ខខ័ណ្ឌមួយគ្រោះថ្នាក់ ដែលអាចធ្វើឲ្យអ្នកបញ្ឈប់ការដកដង្ហើមរយៈពេលយ៉ាងខ្លី។

សង្កៀតធ្មេញ

ការសង្កៀតធ្មេញនៅពេលយប់ អាចនាំឱ្យភ្ញាក់ឡើងជាមួយនឹងការឈឺក្បាល។ វិធីសាស្រ្តខាងក្រោមនេះ គឺជាវិធីសាស្រ្តធ្វើឲ្យអ្នកមានសុខភាពល្អ និងអាចគ្រប់គ្រងភាពតានតឹង ដូចជាការធ្វើលំហាត់ប្រាណនិងការធ្វើសមាធិ ។

ប្រើខ្នើយខុស

ការឈឺក្បាល កើតឡើងនៅពេលសាច់ដុំក និងស្បែកក្បាលមានសភាពតឹង ដោយសារអ្នកមិនបានផ្លាស់ប្តូរទម្រង់នៃការគេងពេញមួយយប់។ សូមជៀសវាងគេងនៅក្នុងបន្ទប់ត្រជាក់ពេក ព្រោះអាចបណ្តាលឱ្យអ្នកឈឺក្បាល។

ប្រែសម្រួលដោយ ៖ លោក ណយ​ សីហា

ប្រភព​ ៖ www.sleep.org