តើជំងឺក្អក អាចបង្កផលប៉ះពាល់អ្វីខ្លះ ទៅដល់អ្នក?

ក្អក អាចជារំខានដល់អ្នកគ្រប់ពេលវេលាបាន។ ជាធម្មតា​ ក្អកអាចក៏អាចបណ្តាលមកពីជំងឺផ្តាសាយ ឬជំងឺគ្រុនផ្តាសាយ នៅពេលដែលអ្នកឈឺលើសពីពីរ ឬបីសប្តាហ៍។ ការក្អករ៉ាំរ៉ៃជាប់រហូត អាចជាសញ្ញាមួយបញ្ជាក់ថា អ្នកមានអាការៈធ្ងន់ធ្ងរ។ នៅខាងក្រោមនេះ គឺជាផលវិបាកដែលបង្កឡើងពីជំងឺក្អក​ ៖

ពិបាកដង្ហើម

មនុស្សពេញវ័យ អាចកាត់បន្ថយការក្អកក្នុងរយៈពេលពីរ ឬបីថ្ងៃបាន។ ប៉ុន្តែនៅពេលដែលកុមារធ្លាក់ខ្លួនឈឺវិញ (ជំងឺក្អក) នោះបាក់តេរី អាចធ្វើឲ្យកុមារពិបាកដកដង្ហើមបាន។ ទារកដែលមានអាយុប្រាំមួយខែ មានរោគក្អកជាញឹកញាប់ អាចបង្កឲ្យបាត់បង់អុកស៊ីសែន ដែលជាហេតុធ្វើឲ្យទារកពិបាកដកដង្ហើម។ កុមារគួរទទួលថ្នាំបង្ការប្រឆាំងនឹងបាក់តេរី ដើម្បីជៀសវាងការក្អកនេះ។

រំខានដល់ជីវិតរស់នៅ

ការក្អក អាចរំខានដល់ជីវិតរស់នៅរបស់អ្នក ម៉្យាងវិញទៀតនៅពេលដែលអ្នកក្អករ៉ាំរ៉ៃ អាចកាត់បន្ថយ ថាមពល ដែលបណ្តាលឲ្យអ្នកនឿយហត់។ ក្អករ៉ាំរ៉ៃ រំខានដល់ការគេងរបស់អ្នក និងបង្កឲ្យអ្នកធុញទ្រាន់បាន លើសពីនេះទៅទៀតក៏អាចបង្កឲ្យអ្នកឈឺក្បាលផងដែរ។

ផលប៉ះពាល់រាងកាយ

ក្អកខ្លាំងពេលអាចបង្កឲ្យអ្នកប្រេះឆ្អឹងជំនី, ជាពិសេសចំពោះស្ត្រីដែលមានឆ្អឹងខ្សោយ។ នៅក្នុងករណីដែលអ្នកទើបតែវះកាត់ថ្មីៗ អាចបង្កឲ្យអ្នកដាច់ថ្នេររបួស នៅពេលដែលអ្នកក្អកខ្លាំងពេក។ ការក្អករ៉ាំរ៉ៃជាញឹកញាប់ គឺជាសញ្ញានៃជំងឺធ្ងន់ធ្ងរជាច្រើន ដូចជាជំងឺរបេង ជំងឺរលាកទងសួត ឬជំងឺមហារីក។ 

ប្រែសម្រួលដោយ ៖ លោក ណយ​ សីហា

ប្រភព​ ៖ www.livestrong.com