គុណសម្បត្តិ និងគោលបំណងនៃការប្រើប្រាស់ប៉ារ៉ាស៊េតាម៉ុល, អ៊ីប៉ូប្រូហ្វែន និងកាហ្វេអ៊ីន

ប៉ារ៉ាស៊េតាម៉ុល ជាអ្វី?

ប៉ារ៉ាស៊េតាម៉ុល គឺជាថ្នាំបំបាត់ការឈឺចាប់ និងការបន្ថយគ្រុនក្តៅ។ ម៉្យាងវិញទៀត ប៉ារ៉ាស៊េតាម៉ុល  ក៏ត្រូវបានគេប្រើក្នុងការព្យាបាលជំងឺជាច្រើនដូចជាឈឺក្បាល, ឈឺសាច់ដុំ, ជំងឺរលាកសន្លាក់, ការឈឺចង្កេះ, ឈឺធ្មេញ និងផ្តាសាយ។

អ្នកអាចប្រើប្រាស់ទៅតាមការណែនាំដូចជា ៖

• មិនត្រូវប្រើប្រាស់ថ្នាំហួសកម្រិត ព្រោះអាចបង្កគ្រោះថ្នាក់
• មនុស្សពេញវ័យអាចប្រើ ១ក្រាម ក្នុង១ដង និង៤ក្រាមនៅក្នុង ១ថ្ងៃ
• ប្រើសិនបើអ្នកប្រើប្រាស់ខ្លាំងពេក អាចបង្កឲ្យថ្លើមរបស់អ្នកខូចខាត

ថ្នាំ អ៊ីប៉ូប្រូហ្វែន (Ibuprofen) គឺជាអ្វី?

អ៊ីប៉ូប្រូហ្វែន ជាប្រភេទថ្នាំប្រឆាំងជាមួយនឹងការរលាក ព្រមទាំងជួយកាត់បន្ថយអ័រម៉ូន ដែលបង្កឱ្យមានការរលាក និងការឈឺចាប់ក្នុងរាងកាយ។ ម៉្យាងវិញទៀត វាត្រូវបានគេប្រើ ដើម្បីកាត់បន្ថយការក្តៅខ្លួន និងព្យាបាលការឈឺចាប់ ឬការរលាក ដែលបង្កឡើងដោយលក្ខខណ្ឌជាច្រើនដូចជាឈឺក្បាល, ឈឺធ្មេញ, ឈឺខ្នង, ជំងឺរលាកសន្លាក់, ឈឺចាប់ពេលមានរដូវ ឬការរងរបួសស្រាល។ អ៊ីប៉ូប្រូហ្វែន ត្រូវបានប្រើសម្រាប់មនុស្សពេញវ័យ និងកុមារដែលមានអាយុយ៉ាងហោចណាស់ 6 ខែ។

តើកាហ្វេអ៊ីនជាអ្វី?

តើអ្នកចូលចិត្តប្រើប្រាស់ផលិផលដែលមានជាតិកាហ្វេអ៊ីនណាស់មែនទេ?​ តើអ្នកយល់ឃើញយ៉ាងណាចំពោះផលិតផលប្រភេទនេះ? ជាតិកាហ្វេអ៊ីន ជាកត្តាដែលបង្កឲ្យអ្នកមានការឈឺក្បាល ឬបំបាត់ឈឺក្បាល។ ជាតិកាហ្វេអ៊ីន ត្រូវបានរកឃើញនៅក្នុងភេសជ្ជៈ, សូកូឡា, និងសូម្បីតែនៅក្នុងថ្នាំបំបាត់ការឈឺចាប់។ មុនពេលឈឺក្បាល ឬឈឺមួយចំហៀងក្បាល, សរសៃឈាមក៏ចាប់ផ្តើមពង្រីក ដែលជាហេតុបង្កឲ្យអ្នកឈឺក្បាល។ សារធាតុ vasoconstrictive ដែលមាននៅក្នុងកាហេ្វអ៊ីន បានបង្កឱ្យសរសៃឈាមរួមតូច និងបន្ថយលំហូរឈាម សម្រាប់ជួយកាត់បន្ថយការឈឺចាប់ និងការឈឺក្បាលបាន។ សារធាតុកាហ្វេអ៊ីននៅក្នុងថ្នាំ Acetaminophen និងថ្នាំអាស្ពីរីន មានឥទ្ធិពលនៅក្នុងការបន្ថយការឈឺចាប់បានដល់ទៅ ៤០% ។ ប៉ុន្តែនៅក្នុងករណី ដែលអ្នកប្រើប្រាស់ជាតិកាហេ្វអ៊ីនលើសដល់ទៅ 200 មីលីក្រាម ក្នុងមួយថ្ងៃ អាចបង្កឲ្យអ្នកមានបញ្ហាឈឺក្បាលបាន។ NHF បានផ្តល់ដំបូន្មានដល់អ្នកជំងឺមានការឈឺក្បាលជាញឹកញាប់គួរជៀសវាងពីការប្រើប្រាស់ប្រចាំថ្ងៃ។ 

ប្រែសម្រួលដោយ ៖ លោក ណយ​ សីហា

ប្រភព​ ៖ www.drugs.com / www.headaches.org