ហេតុអ្វីបានជា ទារកមិនព្រមញុំអាហារ?

ទារកមួយចំនួនតែងតែមិនព្រមបរិភោគអាហារ ដែលជាហេតុធ្វើឲ្យមាតាពិបាកក្នុងការបញ្ចុក។ មាតា មានការព្រួយបារម្ភចំពោះទារកជានិច្ច នៅពេលដែលទារកមិនបរិភោគអាហារ ព្រោះវាអាចបង្កផលប៉ះពាល់ដល់ការលូតលាស់ និងអភិវឌ្ឍន៍របស់ទារក។

មូលហេតុទាំង ៦យ៉ាង ដែលទារកមិនព្រមបរិភោគអាហារ រួមមាន៖

អាហារ

មានហេតុផលច្រើន ដែលទារកដិសេធមិនព្រមបរិភោគអាហារដូចជា អស់កំលាំង, ឬឈឺ។ នេះប្រហែលជា អ្នកមិនមានកាលវិភាគត្រឹមត្រូវសម្រាប់ទារក ប៉ុន្តែអ្នកមិនត្រូវបារម្ភទេ ព្រោះទារកតែងតែបរិភោគប្រសិន បើឃ្លាន ដូច្នេះប្រសិនបើទារកបរិភោគបានចំនួនតិច ហើយឈប់បរិភោគ នេះជាសញ្ញាបង្ហាញថា ទារកមិនទាន់ឃ្លាន។ គ្រាន់តែធ្វើឱ្យប្រាកដថា កូនរបស់អ្នកត្រូវញ៉ាំអាហារ ដែលមានសុខភាពល្អ។

ចៀសវាងអាហារថ្មី

ទារកជាច្រើន ពិបាកទទួលយក ឬបរិភោគអាហារថ្មី ដូចនេះហើយមាតាគួរធ្វើអាហារថ្មីនោះ ឲ្យមានលក្ខណៈស្រឌៀងនឹងអាហារដែលទារកធ្លាប់បរិភោគរាល់ថ្ងៃ។ អ្នកអាចចាប់ផ្តើមបញ្ចុកអាហារកូនរបស់អ្នកបន្តិចម្តងៗ ក្រោយរយៈពេល ២ ទៅ ៣ថ្ងៃ ទារកនឹងអាចបរិភោគអាហារថ្មីនោះបាន។

ទារកមួម៉ៅ

នៅពេលដែលទារកមានអារម្មណ៍តានតឹង ឬមួម៉ៅ អាចធ្វើឲ្យទារកមិនចង់បរិភោគអាហារ។

បិទមាត់

នៅពេលដែលទារកមានអាយុចន្លោះពី ៤ ទៅ​ ៦ខែ ទារកនឹងចាប់ផ្តើមបរិភោគអាហាររឹង ដូចន្នេះហើយទើបធ្វើឲ្យទារកពិបាកបរភោគអាហាររឹង។

ប្រតិកម្មជាមួយអាហារ និង អាហារគ្មានឱនភាព

ការប្រតិកម្មជាមួយអាហារ អាចកើតមានឡើងរហូតដល់ទៅ ៨% នៃកុមារ ដោយអាចលេចឡើងភ្លាមនៅរោគសញ្ញាមួយចំនួនដូចជា រាគ, ក្អួត, កន្ទួលក្រហម, ឬការឈឺក្រពះ ពិបាកដកដង្ហើម និងមុខ / រាងកាយហើម។ អាហារដែលអាចប្រតិកម្មជាមួយកុមាររួមមាន ទឹកដោះគោ, សណ្តែក, ស៊ុត, ស្រូវសាលី, គ្រាប់ធញ្ញជាតិ, និងខ្យង។

ក្រោតខឹង ឬក្អួត

ក្អួត តែងតែកើតឡើងនៅពេលដែលអ្នកបង្ខំបរិភោគអាហារ ហើយនៅក្នុងករណីដែលទារកក្អួតលើសពី២៤ ម៉ោង អ្នកត្រូវបញ្ជូនកូនទៅមន្ទីពេទ្យជាបន្ទាន់។

ប្រែសម្រួលដោយ ៖ លោក ណយ​ សីហា

ប្រភព​ ៖ www.webmd.com