1. ទំព័រដើម
  2. សុខភាព
  3. ការណែនាំអំពីបញ្ហាការឈឺក្រពះ
ការណែនាំអំពីបញ្ហាការឈឺក្រពះ

ការណែនាំអំពីបញ្ហាការឈឺក្រពះ 


ការឈឺក្រពះជាជំងឺដែលមនុស្សជាច្រើនតែងតែមើលស្រាលលើវា។អ្នកឈឺក្រពះជាច្រើនបានចាត់ទុកវាជាជំងឺដែលស្រាលហើយគេគិតថាវាអាចនឹងជាដោយខ្លួនឯង។ តែប្រសិនបើអ្នកមិនបានព្យាបាលត្រឹមត្រូវនិងធ្វើការផ្លាស់ប្តូររបៀបរស់នៅដើម្បីឲ្យមានសុខភាពល្អនោះទេ ជំងឺនេះនឹងពិបាកព្យាបាលហើយយូរជាងនេះវានឹងកាន់តែធ្ងន់ធ្ងទៅៗ។

ការឈឺក្រពះសំដៅលើស្ថានភាពរបួសឬរលាកនៅក្នុងក្រពះ។ការឈឺក្រពះជាធម្មតាត្រូវបានសម្គាល់ដោយរោគសញ្ញាផ្សេងៗដូចជាការឈឺចាប់ចុងដង្ហើមឬក្រហាយចំកណ្តាលពោះ។

ចំពោះជំងឺនេះយើងគួរតែយល់ដឹងពីមូលហេតុដែលបង្ករឲ្យកើតមានឡើងនិងរបៀបព្យាបាលរបស់វា។
ដោយមានការយល់ដឹងពីជំងឺក្រពះនេះយើងអាចកំណត់សម្គាល់រាល់រោគសញ្ញាដែលកើតមានឡើង និង​ ការពារកុំឱ្យវាកាន់តែធ្ងន់ធ្ងរ។

តើការឈឺក្រពះជាអ្វី?

ការឈឺក្រពះគឺជាការឈឺចុកឆ្អល់ ក្រហាយក្នុងក្រពះដោយសារតែបញ្ហាក្រពះ។ យោងតាម ​​Healthline ការឈឺក្រពះកើតឡើងនៅពេលដែលភ្នាសរំអិលដែលការពារក្រពះពីទឹករំលាយអាហារត្រូវបានកាត់បន្ថយ។ នេះបណ្តាលឱ្យជាតិអាស៊ីតក្រពះប៉ះពាល់ទៅដល់ជាលិកាដែលការពារក្រពះ។ ការឈឺក្រពះងាយស្រួលព្យាបាលប៉ុន្តែបើការព្យាបាលមិនត្រឹមត្រូវអាចធ្វើឱ្យអ្នកជំងឺមានអាការៈធ្ងន់ធ្ងរ។

មូលហេតុនៃការឈឺក្រពះ

ការឈឺក្រពះជាធម្មតាកើតមានឡើងនៅពេលដែលក្រពះផលិតជាតិអាស៊ីតក្រពះកើនឡើងហួសកម្រិត។ ស្ថានភាពនេះច្រើនតែកើតឡើងដោយសាររឿងដូចខាងក្រោម

១. កត្តារស់នៅដោយមិនមានផាសុខភាពល្អ៖

  • ការជក់បារី
  • ការទទួលទានជាតិកាហ្វេអ៊ីនជាតិស្រវឹងនិងភេសជ្ជៈគ្រឿងកំប៉ុងច្រើនពេក
  • ការញ៉ាំលឿនពេក​ ច្រើ​នពេក
  • ទទួលទានអាហារហឹរ និង ខ្លាញ់ច្រើន។

២.​ កត្តាបញ្ហាផ្លូវចិត្តដូចជា៖

  • ស្ត្រេស
  • ខ្វល់ខ្វាយច្រើន

៣. កត្តានៃការឆ្លងមេរោគ Helicobacter pylori (H. pylori)។

៤. បញ្ហាពោះវៀនឬបញ្ហាសុខភាពមួយចំនួនដូចជា៖

  • ជំងឺច្រាលទឹកអាស៊ីត (GERD)
  • ការរលាកក្រពះ (Gastritis)
  • ការរលាកលំពែង  (Pankreatitis)
  • គ្រួសក្នុងថង់ទឹកប្រមាត់
  • មហារីកក្រពះ។ល។

៥. កត្តាប្រើប្រាស់ថ្នាំដែលអាចផលប៉ះពាល់មានដូចជា៖

  • ថ្នាំអង់ទីប៊ីយោទិច
  • ថ្នាំប្រឆាំងនឹងការរលាកដែលមិនមែនជាស្តេរ៉ូអ៊ីដ (NSAIDs) ដូចជា diclofenac និង ibuprofen ។

ចំណុចដែលបានរៀបរាប់ខាងលើនេះគឺជាមូលហេតុមួយចំនួនដែលអាចបង្កឱ្យមានការកើនឡើងនៃអាស៊ីតក្រពះ។ហេតុនេះហើយវាបង្កឱ្យមានការឈឺក្រពះ។ មូលហេតុលេខ ១ និងលេខ ២ គឺជាកត្តាចំបងពីរ ដែលយើងតែងតែជួបប្រទះនៅក្នុងសង្គមបច្ចុប្បន្ន។

របៀបព្យាបាលការឈឺក្រពះ

ការផ្លាស់ប្តូររបៀបរស់នៅឲ្យមានសុខភាពល្អគឺជាវិធីចម្បងនៃការព្យាបាលការឈឺក្រពះប៉ុន្តែក្រៅពីនេះការប្រើថ្នាំព្យាបាលជំងឺក្រពះក៏អាចជួយព្យាបាលជំងឺនេះផងដែរ។

ប្រភេទថ្នាំមួយចំនួនដែលអាចព្យាបាលឬកាត់បន្ថយការឈឺក្រពះបានមានដូចខាងក្រោម៖

ថ្នាំ Antacids គឺជាប្រភេទថ្នាំសម្រាប់បន្សាបជាតិអាស៊ីតក្រពះនិងការពារពីការរលាកក្រពះ។ ថ្នាំកាត់បន្ថយជាតិអាស៊ីតទាំងនេះមានផ្ទុកនៅក្នុងសារធាតុដែលមានអំបិលដូចជាអាលុយមីញ៉ូម, កាល់ស្យូម, ម៉ាញេស្យូម ឬសូដ្យូម។ ថ្នាំប្រឆាំងអុកស៊ីតកម្មមួយចំនួនក៏មានអំបិល២ប្រភេទរួមបញ្ចូលគ្នាផងដែរគឺម៉ាញ៉េស្យូម, កាបូណាត, និងអាលុយមីញ៉ូមអ៊ីដ្រូសែនឬជាសមាសធាតុដែលត្រូវបានគេហៅថាម៉ាញ៉េស្យូមអ៊ីដ្រូសែន។ Hydrotalcite ក៏ជាថ្នាំប្រឆាំងជាតិអាស៊ីតផងដែរ។ Hydrotalciteបានបន្សាបជាតិអាស៊ីតក្នុងក្រពះ។

Simethicone ត្រូវបានគេប្រើដើម្បីបំបាត់ការឈឺចាប់ដែលបណ្តាលមកពីសម្ពាធពីជាតិហ្គេសច្រើនពេកនៅក្នុងក្រពះនិងពោះវៀន។ Simethiconeអាចប្រើបានទាំងក្មេងនិងមនុស្សធំ។

PROMAG ជាថ្នាំដែលមានសារធាតុផ្សំឡើងពី hydrotalcite, magnesium hydroxide & simethicone។ ដូច្នេះPromagមានប្រសិទ្ធភាពក្នុងកាត់បន្ថយជាតិអាស៊ីតក្រពះ, ចុកឆ្អល់ក្រពះ, ​ក្រហាយក្រពះ និង បំបាត់ការរលាកក្រពះឆាប់រហ័យ។

Share This 5597 Views
Other Health

អត្ថប្រយោជន៍ស្លឹកកន្រ្តូបសម្រាប់អ្នកជំងឺទឹកនោមផ្អែម

ស្លឹកកន្រ្តូប ឬ ភាសាអង់គ្លេស Curry Leaf ត្រូវបានប្រជាជនខ្មែរប្រើប្រាស់ជាគ្រឿងទេស​សម្រាប់សម្លផ្សេងៗ ហើយមនុស្សជាច្រើនមិនដឹងថា ស្លឹកកន្រ្តូបមានប្រយោជន៍ចំពោះសុខភាពនោះទេ ជាពិសេសសម្រាប់អ្នកជំងឺទឹកនោមផ្អែម។ ស្លឹកកន្រ្តូបអាចដើរតួជាភ្នាក់ងារយ៉ាងល្អនៅក្នុងការគ្រប់គ្រងកម្រិតជាតិស្ករក្នុងឈាម សារធាតុផ្សេងៗនៅក្នុងស្លឹកកន្រ្តូបអាចជួយក្នុងការរក្សាកម្រិតជាតិស្ករក្នុងឈាមអោយស្ថិតនៅកម្រិតធម្មតា។ លើសពីន ...

ក្មេងក្រោមអាយុ៦ឆ្នាំគួរប្រើថ្នាំផ្ដាសាយដែរឬទេ?

វាជារឿងលំបាកដែលទ្រំាមើលឃើញកូនវេទនាដោយសារជំងឺផ្ដាសាយ និង ក្អក ប៉ុន្តែអ្នកជំនាញបាននិយាយថាកុមារអាយុក្រោម ៦ឆ្នាំ មិនគួរប្រើថ្នាំបំបាត់ផ្តាសាយនិងក្អកឡើយ ដោយសារតែវាអាចជះឥទ្ធិពលគ្រោះថ្នាក់ដល់កុមារ។ ដូច្នេះអ្វីដែលឪពុកម្តាយត្រូវធ្វើអ្វីខ្លះ? យើងបានសួរអ្នកជំនាញដើម្បីប្រាប់យើងពីរបៀបជួយទប់ស្កាត់មេរោគជាបឋម និង ធ្វើអោយមានអារម្មណ៍ប្រសើរជាងមុន។

ផែនការការបង្ការ កុមារជិត 22 លាននាក់ខកខានម ...

យ៉ាអួស្ថិតនៅក្នុងអាហារដែលល្អបំផុតសម្រាប់ទារក

យ៉ាអួ ឬ Yogurt គឺសម្បូរទៅដោយជាតិកាល់ស្យូមនិងវីតាមីន D ចាំបាច់សម្រាប់សុខភាពឆ្អឹងនិងធ្មេញ។ ទារករបស់អ្នកអាចញាំវាបាននៅអាយុ 6 ខែ។

ជំរើសដ៏ល្អគឺជ្រើសយកទឹកដោះគោយ៉ាអួណាដែលមិនបន្ថែមជាតិស្ករ។ ដូចគ្នានេះផងដែរអ្នកម្ដាយគួរជ្រើសយកយ៉ាអួ brandណាដែលអាចជួយគ្រប់គ្រងបាក់តេរីល្អនៅក្នុងបំពង់រំលាយអាហាររបស់ទារក។ សូមប្រាកដថាអ្នកជ្រើសរើសយកទឹកដោះគោជូរណាដែលទារកត្រូវការកាឡូរីពីជាតិខ្លាញ់។

គួរបញ្ជាក់ដែរថា យ៉ាអួដែលល្អគឺមានបន្ថែម រ ...