តើមានកត្តាអ្វីខ្លះ ដែលបង្កឲ្យអ្នកឈឺក្បាល?

តើអ្នកដឹងទេថា មូលហេតុអ្វីបានជាអ្នកមានអាការៈឈឺក្បាលញឹកញាប់?​ ហើយមានកត្តាអ្វីខ្លះ ដែលបង្កឲ្យអ្នកឈឺក្បាល? ឈឺក្បាល អាចជាសញ្ញានៃស្ត្រេស ឬបញ្ហាផ្លូវចិត្តមួយ ឬវាអាចបណ្តាលពីជំងឺផ្នែកសុខភាពដូចជាការឈឺក្បាលមួយចំហៀង ឬសម្ពាធឈាមខ្ពស់​ និងថប់អារម្មណ៍ជ ឬបាក់ទឹកចិត្ត។ នៅខាងក្រោមនេះ គឺជាកត្តាមួយចំនូន ដែលបង្កឲ្យអ្នកឈឺក្បាល រួមមាន៖

ជំងឺ : ដូចជាជំងឺផ្តាសាយ ឬជំងឺគ្រុន។ ពួកគេជាទូទៅដោយមានលក្ខខណ្ឌដូចការឆ្លងមេរោគបំពង់ក ឬការឆ្លងមេរោគត្រចៀកផងដែរ ហើយនៅក្នុងករណីខ្លះវាអាចបង្កឲ្យអ្នកមានអាការៈឈឺក្បាល។

ភាពតានតឹង : មូលហេតុទូទៅនៃការឈឺក្បាល រួមមានភាពតានតឹងក្នុងអារម្មណ៍, ភាពតានតឹង និងការធ្លាក់ទឹកចិត្ត ព្រមទាំងការប្រើគ្រឿងស្រវឹង និងការប្រើថ្នាំច្រើនពេក។

បរិស្ថាន ៖ ផ្សែងបារី, ថ្នាំជក់, សារធាតុគីមី, អាឡែរហ្សីទឹកអប់ និងអាហារមួយចំនួន អាចជាមូលហេតុដែលបង្កឲ្យអ្នកឈឺក្បាល។

ការបង្ករោគ: ការឆ្លងមេរោគជាច្រើនតាមរយៈ ច្រមុះ, បំពង់ក និងត្រចៀក អាចបង្កឱ្យឈឺក្បាល។ ហើយអ្នកមិនត្រូវប្រើប្រាស់ថ្នាំ ដោយមិនពិគ្រោះយោបល់ជាមួយគ្រូពេទ្យទេ ព្រោះវាអាចបង្កផលប៉ះពាល់ខ្លាំងដល់សុខភាព។

ពន្លឺចាំង ៖ ពន្លឺចេញពីអេក្រង់កុំព្យូទ័រ, ពន្លឺព្រះអាទិត្យ ឬពន្លឺភ្លើង អាចបង្កឲ្យអ្នកឈឺចាប់ ដូចនេះអ្នកគួរតែប្រើពន្លឺតិចៗ ដើម្បីកាត់បន្ថយការឈឺចាប់។

គេង / ការបរិភោគ ៖ គេងមិនបានគ្រប់គ្រាន់ អាចបង្កឲ្យអ្នកមានអាការៈឈឺក្បាល និងស្រ្តេសខ្លាំង។

ថ្នាំពេទ្យ ៖ ការប្រើប្រាស់ថ្នាំមួយចំនួន អាចបង្កឲ្យអ្នកឈឺក្បាល ប្រសិនបើអ្នកមិនបានពិភាក្សាជាមួយគ្រូពេទ្យជាមុនសិន។

កង្វះលំហាត់ប្រាណ ៖ ប្រសិនបើអ្នកហាត់ខ្លាំងពេក អាចបង្កឲ្យអ្នកឈឺក្បាល ប៉ុន្តែបើអ្នកហាត់ប្រាណតិចពេក ក៏អាចបង្កឲ្យអ្នកឈឺ ប៉ុន្តែអ្នកគួរតែហាត់នៅក្នុងកម្រិតមធ្យោមមួយ ដើម្បីឲ្យសសៃឈាមរត់បានស្រួល។

អ័រម៉ូន ៖ នៅពេលដែលអ្នកផ្លាស់ប្តូរអ័រម៉ូន ក៏ជាកត្តាដែលបង្កឲ្យអ្នកឈឺក្បាលបាន។

អាហារ ៖ អាហារប្រភេទមួយចំនួន និង ភេសជ្ជៈ អាចបង្កឱ្យមានការឈឺក្បាលរួមមាន ជាតិកាហ្វេអ៊ីន, សូកូឡា, ជាតិអាល់កុល, ឈីស និងផ្សេងៗច្រើនទៀត។

ប្រែសម្រួលដោយ ៖ លោក ណយ​ សីហា

ប្រភព​ ៖ www.webmd.com / www.betterhealth.vic.gov.au