ជំងឺក្អកជាអ្វី? តើកត្តាអ្វីខ្លះ បង្កឲ្យអ្នកក្អក?

ក្អក គឺជាប្រតិកម្មដោយស្វ័យប្រវត្តិ ដើម្បីលាងសម្អាតផ្លូវដង្ហើម ព្រោះថាផ្លូវដង្ហើម អាចត្រូវបានរាំងស្ទះដោយកំហាក (ស្លស), ផ្សែង និងសារធាតុគីមី ពេលអ្នកដកដង្ហើម។ ប្រសិនបើអ្នកមានការពិបាកដកដង្ហើម ឬក្អករហូតដល់ចេញឈាម អ្នកគួរតែពិគ្រោះជាមួយគ្រូពេទ្យជាបន្ទាន់។ មូលហេតុទូទៅ ដែលបង្កឲ្យអ្នកក្អកដោយសារតែមូលហេតុមួយចំនួនដូចបានរៀបរាប់នៅខាងក្រោម។

ក្អកគឺជាអ្វី?

ក្អក គឺសកម្មភាពកន្រ្ទាក់សាច់ដុំដោយស្វ័យប្រវត្តិ ដែលបង្ខំឱ្យខ្យល់ដកដង្ហើមរបស់អ្នកចេញចូលតាមរយៈមាត់ និងសួត។ នៅពេលដែលសារធាតុគីមី ឬផ្សែងចូលទៅក្នុងបំពង់ខ្យល់របស់អ្នក អាចបង្កឲ្យអ្នកក្អកភ្លាមៗ ហើយក៏អាចបង្កឲ្យអ្នកមានការរលាកបំពង់កផងដែរ។

រោគក្អក អាចបង្កផលប៉ះពាល់ដល់អ្នកខ្លាំង ប្រសិនបើអ្នកមិនមានវិធីសាស្រ្ត ដើម្បីលាងជម្រះផ្លូវដង្ហើមរបស់អ្នកទេ។ មូលហេតុទូទៅបំផុតនៃការឆ្លងមេរោគ គឺបណ្តាលឱ្យអ្នកហៀរសំបោរ និងក្អក។ ការឆ្លងមេរោគអាចប៉ះពាល់ដល់កូនក្មេង និងមនុស្សទូទៅដែលនៅក្បែរអ្នកជំងឺ ជាពិសេសនៅរដូវរងារ។

តើកត្តាអ្វីខ្លះ ដែលបង្កឲ្យអ្នកក្អក?

មូលហេតុទូទៅ ដែលបង្កឲ្យអ្នកក្អកបណ្តាលមកពីមូលហេតុដូចខាងក្រោម ៖

ការឆ្លងមេរោគលើផ្លូវដង្ហើមកម្រិតធ្ងន់ ៖ នេះ គឺជាមូលហេតុចំបង ដែលបង្កឲ្យអ្នកក្អក ដោយសារការចម្លងមេរោគ (វីរុស) ។ នៅពេលដែលអ្នកមិនមានការព្យាបាលត្រឹមត្រូវទេ អាចបង្កឲ្យអ្នកកើតវារហូតដល់មួយសប្តាស៍។

ការឆ្លងមេរោគផ្លូវដង្ហើមកម្រិតស្រាល ៖ ទាំងនេះ គឺជារឿងធម្មតានោះទេ ហើយការចម្លងរោគនេះ អាចបង្កឲ្យអ្នកមានបញ្ហាមួយចំនួនដូចជារលាកទងសួត ឬជំងឺរលាកសួត ដែលបង្កឡើងដោយការឆ្លងមេរោគ (មេរោគបាក់តេរី ឬផ្សិត) ។

ជំងឺហឺត ៖ ជំងឺនេះ អាចបង្កឲ្យអ្នកដង្ហក់, ពិបាកដកដង្ហើម និងក្អកនៅពេលយប់ នៅពេលខ្យល់ត្រជាក់ និងអំឡុងពេលធ្វើលំហាត់ប្រាណ។ ការឆ្លងមេរោគក្អក អាចបង្កឲ្យរោគសញ្ញានៃជំងឺហឺតកាន់តែអាក្រក់ច្រើន។

ការរលាក - ផ្សែង ឬសារធាតុគីមី ដែលអ្នកដកដង្ហើមចូល អាចបង្កឲ្យរលាកផ្លូវដង្ហើម។

ប្រែសម្រួលដោយ ៖ លោក ណយ​ សីហា

ប្រភព​ ៖ www.patient.info